EHU zaprašaje staršakłaśnikaŭ i vypusknikoŭ škoł na Kursy padrychtoŭčaha hoda ŭ Minsku i Vilni
Jeŭrapiejski humanitarny ŭniviersitet (EHU) abjaŭlaje nabor na Kursy padrychtoŭčaha hoda ŭ Minsku i Vilni, jakija ładziacca dla staršakłaśnikaŭ i vypusknikoŭ škoł, himnazij dy SSNU. Słuchačy, jakija paśpiachova projduć prahramu Kursaŭ, buduć zaličanyja va Univiersitet biez ustupnych ispytaŭ.
Dziakujučy admysłovavu intensiŭnamu vučebnamu płanu, jaki ŭklučaje 800 akademičnych hadzin, Kursy dazvalajuć nie tolki atrymać hruntoŭnuju padrychtoŭku pierad vučobaj va ŭniviersitecie, ale i poŭnaściu pahruzicca va ŭniviersiteckaje asiarodździe: zrazumieć, što značyć być studentam EHU i vyznačycca sa svajoj budučaj bakałaŭrskaj prahramaj.
Uvaha! Dla pastupleńnia na Kursy nieabchodna da 6 vieraśnia zapoŭnić anłajn-ankietu i prajści sumoŭje 8 vieraśnia.
800-hadzinny vučebny płan Kursaŭ prapanoŭvaje zasvajeńnie nastupnych dyscyplin (ahulnaja kolkaść aŭdytornych hadzin — 480):
- Anhielskaja mova dla akademičnych metaŭ (Praktyka mižkulturnych znosinaŭ i Hramatyčny praktykum);
- Uvodziny ŭ humanitarnyja viedy;
- Praktykum pa akademičnym ese, Piśmiennaść;
- Padrychtoŭka da kampazicyi (tolki dla abituryjentaŭ prahramy «Vizualny dyzajn»);
- Praktykum pa farmavańni partfolijo;
- Prajektnaja dziejnaść (sieminar).
Zaniatki ŭ Minsku (dla staršakłaśnikaŭ, vypusknikoŭ siarednich škoł i SSNU) ładziacca ŭ dzionnym farmacie pa vychodnych, u dystancyjnym farmacie ŭ navučalnym asiarodździ Moodle, a taksama na praciahu navučalnaha hoda buduć arhanizavanyja try tydniovyja sesii padčas vakacyj, u tym liku sakavickaja sesija ŭ Vilni.
Zaniatki ŭ Vilni (tolki dla vypusknikoŭ seriadnich škoł i SSNU) ładziacca z paniadziełka pa subotu ŭ vučebnym korpusie EHU ŭ Starym horadzie Vilni.
Poŭny košt Kursaŭ: €750 (minski farmat) albo €1500 (vilenski farmat).
Pačynajučy z 2015/16 navučalnaha hoda bolš za 100 vypusknikoŭ Kursaŭ padrychtoŭčaha hoda byli aŭtamatyčna zaličanyja na abranyja imi bakałaŭrskija prahramy EHU. Słuchačam, jakija prademanstravali vysokuju paśpiachovaść, prymali ŭdzieł u raznastajnych aktyŭnaściach, byli pradstaŭlenyja hranty na poŭnaje ci častkovaje pakryćcio vydatkaŭ na apłatu navučańnia ŭ EHU.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ9
Kamientary