Na načalnika DAI Leninskaha rajona Minska padpałkoŭnika milicyi Alaksandra Dymonta zaviali kryminalnuju spravu za złoŭžyvańnie ŭładaj abo słužbovymi paŭnamoctvami, piša Tut.by.
— Alaksandr Vasiljevič navat formu tady pierastaŭ nasić. Nikudy asabliva nie vyjazdžaŭ, siadzieŭ u RUUS, papierki pierabiraŭ. Miesiac tamu jon pajšoŭ u adpačynak, a ŭ paniadziełak pavinien byŭ vyjści na słužbu, ale nie źjaviŭsia. Daviedalisia, što ŭ HUUS pryjšła papiera ab zaviadzieńni ŭ dačynieńni da jaho kryminalnaj spravy. Niby havorka idzie pra toje, što jon vypisvaŭ premii, a viartali jamu hatoŭkaj.
Fota: «Transportnaja biezopasnosť».
Infarmacyju ab zaviadzieńni ŭ dačynieńni da Dymonta kryminalnaj spravy pa č. 2 art. 424 (Złoŭžyvańnie ŭładaj abo słužbovymi paŭnamoctvami) TUT.BY paćvierdzili ŭ Hienieralnaj prakuratury. Rasśledavańniem zajmajecca centralny aparat Śledčaha kamiteta.
