«Adniekul ža materyjały biaruć»: Milicyja budzie analizavać krytyčnyja publikacyi ŭ ŚMI
Ministerstva ŭnutranych spraŭ Biełarusi ŭzmacniaje rabotu sa zvarotami hramadzian i reahavańnie na krytyčnyja publikacyi ŭ ŚMI. Pra heta siońnia zajaviŭ žurnalistam Juryj Karajeŭ paśla svajho dakłada kiraŭniku dziaržavy, piša BiełTA.
Jon, u pryvatnaści, padkreśliŭ, što pad bolš vostrym vuhłom buduć analizavacca i publikacyi ŭ ŚMI nakont raboty orhanaŭ unutranych spraŭ, u tym liku ŭ internecie, apazicyjnych miedyja.
«Bo jany taksama adniekul hetyja materyjały biaruć, i nie ŭsie jany prydumanyja abo paklop. Niedzie pad imi niejkija padstavy, značyć, jość. Kab nie było biespakaranaści i ŭsiodazvolenaści tych, chto ad imia ŭłady moža vałodać niejkimi pryvilejami, jak im zdajecca».
«Usie pavinny dakładna, jak ludzi ŭ pahonach, pierš za ŭsio vykonvać svaje abaviazki i pomnić, što słužać narodu, hramadzianinu, hramadstvu, abaraniajuć jaho pravy», — padkreśliŭ ministr.
Kamientary