Zdareńnie adbyłosia ŭ piatnicu. Na 13-m paviersie budynka Instytuta ekanomiki, raźmieščanaha ra vulicy Surhanava, 1, zaharełasia elektrapravodka ŭ ščytku lifta, paviedamlaje MNS.
Da prybyćcia padraździaleńniaŭ MNS z budynka samastojna vyjšli 50 čałaviek.
Kali padraździaleńni MNS byli ŭ budynku, na numar «101» patelefanavała žančyna i ŭschvalavana paviedamiła, što ŭ hruzavym lifcie na ŭzroŭni 1-2 pavierchaŭ znachodziacca 6 čałaviek, u lifcie zadymleńnie, a ludzi zadychajucca.
Rabotnikami MNS pry dapamozie śpiecabstalavańnia była adčyniena kabina lifta, ludziam dali maski i vyvieli na śviežaje pavietra. U kabinie znachodzilisia 6 čałaviek: 5 žančyn i mužčyna, usie rabotniki instytuta.
Miedyki akazali paciarpiełym pieršuju miedycynskuju dapamohu. Paśla hetaha 5 čałaviek — 4 žančyny i mužčyna — byli špitalizavany ŭ balnicu dla dalejšaha ahladu.