Były hienprakuror Ukrainy Juryj Łucenka, jaki syšoŭ u adstaŭku ŭ kancy žniŭnia, napisaŭ vialiki post pra abmien pałonnymi z Rasijaj, što adbyŭsia 7 vieraśnia.
Asobna Łucenka spyniŭsia na situacyi ź pieradačaj u RF Uładzimira Cemacha, byłoha bajevika «DNR» jaki ličycca važnym śviedkam u spravie źbićcia na Danbasie małajzijskaha «Boinha» MN17.
«U vypadku z Cemacham usio bolš składana, — piša Łucenka. — Ja mieŭ niekalki razmovaŭ pra jaho i z hałandskimi kalehami pa mižnarodnaj śledčaj hrupie i z Prezidentam i jaho kamandaj.
Dla ŭsich, chto šepča abo kryčyć pra zdradu chaču skazać: ŭkrainski bok adkłaŭ abmien i zrabiŭ (užo paśla majoj adstaŭki) usio mahčymaje ŭ situacyi, jakaja skłałasia. Dopyt Cemacha adbyŭsia. Ad pahadnieńnia sa śledstvam jon admoviŭsia. Vydać jaho Niderłandam my nie majem prava z-za pałažeńnia Kanstytucyi. Sudzić jaho hałandcy zmohuć tak ža, jak z sakavika 2020 buduć sudzić pieršych 4 padazravanych - zavočna.
Viadoma, hetuju kartu abrazy hałandskaha hramadstva (im ža stvoranuju) budzie razyhryvać Pucin i jaho padpiavały ŭ Jeŭropie. Ich meta - źniać sankcyi ES suprać RF, uviedzienyja mienavita paśla źbićcia MN17.
Procidziejańnie hetamu - zadača vyšejšaha kiraŭnictva dziaržavy i MZS», — adznačyŭ Łucenka.
