«Jechaŭ ź Mienska ŭ Stoŭbcy na elektryčcy, a tam vyjava Kołasa i QR-kod»
Piša Dźmitry Hurnievič.
Ja mieŭ son. Što jechaŭ ź Mienska ŭ Stoŭpcy na elektryčcy, a tam na adnym vahonie vyjava Jakuba Kołasa i hierojaŭ jahonych tvoraŭ. Pobač QR-kod. Ja saskanavaŭ i ŭ mianie na smartfonie adčyniłasia staronka na piaci movach pra kłasika, z tekstami, videa, padkastami i hidam pa jahonych miaścinach. Na druhim vahonie była vyjava paraalimpijskaj čempijonki Alimpijady ŭ Sidnei, Afinach i Piekinie Volhi Zińkievič, uradženki Stoŭpcaŭ. Saskanavaŭ i pierajšoŭ na sajt Ofisa pa pravach ludziej ź invalidnaściu ź nievierahodnymi i natchnialnymi historyjami.
Potym sa Stoŭpcaŭ u Bieraście mianie imčaŭ ciahnik «Paleśsie». Taksama razmalavany. Na im byli vyjavy bałotaŭ Jelni z QR-kodam na sajt Nacyjanalnaha parku i ekałahičnych aktyvistaŭ, jakija pravodziać tam zaniatki dla achvotnych. Na prypynku ŭ Ivacevičach ja ŭbačyŭ viciebski ciahnik. Ja nie adrazu zrazumieŭ, što na im za malunak. Niejki mužčyna lacić nad horadam, abdymajučy žančynu. A, usio, uzhadaŭ. Heta ž Šahał. Na druhim vahonie Jeŭfrasińnia Połackaja. QR-kod ja nia zmoh saskanavać, bo jon byŭ za vaknom. Ale padumaŭ, pajedu niekali ŭ Viciebsk, u muziej Šahała, a potym u Połack, i saskanuju pierad pajezdkaj.
I nijakich mapaŭ i starych miežaŭ, jakija ŭsich navokał razdražniajuć. Tolki mapa Jelni. Tolki mastactva, historyja, litaratura, pryroda i QR-kody. Fuck maps, make love.
Rasijski servis nie raźmiaściŭ biełaruskamoŭnuju pieśniu — paličyŭ, što trek prapahanduje nacyjanalizm ci hvałt2
Kamientary