Ivan Chilko nie dažyŭ čatyry dni da svajho 20-hodździa.
9 vieraśnia ŭ minskaj balnicy pamior 19-hadovy ŭčastkovy Dokšyckaha RAUS Ivan Chilko.
31 žniŭnia ŭ dokšyckim bary «Śfiera» jaho ŭdaryŭ inšy milicyjant, 22-hadovy Alaksandr Ždańko. Pa słovach miascovych žycharoŭ, kanflikt adbyŭsia praź dziaŭčynu, jakuju nie mahli padzialić Ždańko i adzin z bratoŭ Ivana.
Paśla Ivana zabrała chutkaja, jaho pieravieźli ŭ Viciebsk, adtul u Minsk. Jon znachodziŭsia ŭ reanimacyi.
Baćki Ivana nie zachacieli razmaŭlać z žurnalistami. Ale ich znajomyja raspaviali, što nibyta paśla ŭdaru ŭ Ivana mocna traŭmavałasia skivica, adzin ź jaje askiepkaŭ paškodziŭ sonnuju arteryju. A paśla padzieńnia chłopiec jašče i mocna ŭdaryŭsia skroniaj.
Pachavajuć Ivana Chilko 11 vieraśnia ŭ jaho rodnaj vioscy Nieścieraŭščyna, što pad Dokšycami. 13 vieraśnia chłopcu mahło b spoŭnicca 20 hadoŭ.
Alaksandr Ždańko, jaki ŭdaryŭ Ivana, byŭ zatrymany paśla bojki, paśla jaho adpuścili pad padpisku.