Adzin ź lidaraŭ zbornaj Kirył Hryščanka nie zmoža ŭziać udzieł u čempijanacie śvietu pa baraćbie, jaki prachodzić u Nur-Sułtanie. Spartsmien, jaki vystupaje ŭ katehoryi da 130 kh i jaki vyjhraŭ zołata na Jeŭrapiejskich hulniach u Minsku, nie vyjdzie na pamost, bo ŭ jaho arhaniźmie znojdziena zabaronienaje rečyva, paviedamlaje Presboł.
Trenierski štab zbornaj u efiry prahramy «Vyniki tydnia» na «Biełaruś 5» kanstatavaŭ, što preparat, jaki nibyta prymaŭ Hryščanka, daŭno vyjšaŭ z užyvańnia. Staršy trenier nacyjanalnaj kamandy Mikałaj Bahdanionak ličyć, što spartoviec nie moh vykarystać hety preparat i nastojvaje, što mieła miesca dyviersija. Pavodle jaho słoŭ, užo pačata ŭnutranaje rasśledavańnie incydentu.
0
0
0
0
0
0
