Z 2021 hoda za naviedvańnie Ryhi turysty buduć płacić pošlinu, jakaja pojdzie na finansavańnie raźvićcia Ryhi jak turystyčnaha horada i jaho papularyzacyju za miažoj. Adpaviedny prajekt u sieradu, 18 vieraśnia, uchvaliła kamisija Ryžskaj dumy pa finansavych i administracyjnych spravach, piša delfi.lv.
Z kožnaj haścinicy abo chosteła płanujecca brać pa adnym jeŭra ŭ dzień za turysta, adnak u sumie pošlina za bieśpierapynnaje znachodžańnie ŭ Ryzie nie pavinna pieravyšać 10 jeŭra za turysta. Načleh dziaciej da 12 hadoŭ pošlinaj nie abkładajecca.
Anałahičnyja turystyčnyja pošliny isnujuć u mnohich turystyčnych haradach: naprykład, u Bierlinie, Amsterdamie, Rymie, Vieniecyi, Vienie, Bruseli, Lisabonie i inš. U susiedniaj Litvie turystyčnaja pošlina była ŭviedzienaja 1 studzienia 2016 hoda ŭ Kaŭnasie i 1 lipienia 2018 hoda ŭ Vilni.
