Biezumoŭna, asnoŭnaja ŭvaha zaŭziataraŭ budzie pryciahnuta da padziej u Breście, dzie «Dynama» prymie BATE. Bieraściejcy na piać bałaŭ pakul apiaredžvajuć barysaŭcaŭ (u BATE jość hulnia ŭ zapasie), tamu patencyjnuju parazu «žoŭta-sinich» šmat chto budzie rasceńvać jak kapitulacyju šmathadovaha hiehiemona.
Ale ŭ vieraśni zabivać intryhu nie varta. Bo, pa-pieršaje, napieradzie jašče vosiem turaŭ, a, pa-druhoje, na piaty nastupaje «Šachcior», jaki nie suprać praciahnuć svaju vaśmimatčavuju vyjhryšnuju sieryju i skarystacca niaŭdačami kankurentaŭ.
Ciapier pra kožny z troch matčaŭ bolš padrabiazna.
«Słavija» — «Viciebsk»
- 25.09, 16:30. Mazyr, stadyjon «Junactva».
- Kaeficyjenty: «Słavija» (pieramoha) — 2,36; ničyja — 3,25; «Viciebsk» (pieramoha) — 2,95
Što mazyrčuki, što viciebčuki pieražyvajuć nie najlepšyja časy. U «Słavii» adna pieramoha ŭ apošnich dziesiaci turach, u «Viciebska» — dźvie, adna ź jakich techničnaja.
Niahladziečy na niaŭdačy, turnirnaje stanovišča abodvuch kłubaŭ nie katastrafičnaje — možna siezon skončyć u siaredzinie tablicy. Dla hetaha treba pačać pieramahać.
Prahnoz «NN»: A jak pačać pieramahać, kali ŭ «Viciebska» vialikija prablemy ŭ atacy? Łahična sprahnazavać totał, mienšy za 2.5.
«Haradzieja» — «Šachcior»
- 25.09, 18:30. Stadyjon «Haradzieja».
- Kaeficyjenty: «Haradzieja» (pieramoha) — 5,30; ničyja — 3,80; «Šachcior» (pieramoha) — 1,62
U minułuju piatnicu «Haradzieja» doma prymała bieraściejcaŭ i nie zmahła adabrać bały ŭ lidaraŭ tablicy.
Ciapier u Niaśvižski rajon jedzie čarhovy favaryt, jaki ŭ minułyja vychodnyja razhramiŭ «Viciebsk» ź likam 4:0. Prytym pieršyja dva miačy byli zabityja ŭžo na pieršych chvilinach hulni.
Prahnoz «NN»: Pieramoha «Šachciora».
«Dynama-Brest» — BATE
- 25.09, 20:45. ASK «Brescki».
- Kaeficyjenty: «Dynama» (pieramoha) — 2,46; ničyja — 3,38; BATE (pieramoha) — 2,72
- Matč pieršaha kruha — 1:0
Bieraściejcy na starcie siezona zabrali ŭ BATE Supierkubak, a potym jašče pieramahli ŭ trecim tury, pierachapiŭšy status hałoŭnaha razdražnialnika barysaŭcaŭ u minskaha «Dynama».
Hulcy «Dynama» śviatkujuć pieramohu ŭ Barysavie. Fota: FK «Dynama-Brest».
Za «Dynama» ŭ hetym matčy — atakujučy patencyjał i niestabilnaść bramnickaj pazicyi BATE (Čyčkan i Černik nie zmahli paŭnavartasna zamianić traŭmavanaha Ščarbickaha). Za BATE — dośvied vyrašalnych matčaŭ, a taksama prablemy ŭ abaronie «Dynama» (da traŭmy Duarte dadałasia dyskvalifikacyja Vitusa).
Letaś u Breście kamandy vydali vohnienny matč z mnostvam niebiaśpiečnych momantaŭ, jaki skončyŭsia pieramohaj BATE. Niachaj i siońnia budzie nastolki ž śpiakotna i pieramoža macniejšy.
Prahnoz «NN»: Miarkujem, što abiedźvie kamandy zmohuć adznačycca. Nie biaromsia vyznačyć pieramožcu, tamu totał, bolšy za 2.5.
TURNIRNAJA TABLICA
Dzialiciesia prahnozami ŭ kamientarach! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
