Nacyjanalnaje kadastravaje ahienctva źviarnuła ŭvahu na top-5 samych vialikich katedžaŭ, jakija źjavilisia ŭ Minsku ŭ pieršaj pałovie 2019 hoda. Bolšaść ich haspadaroŭ — biznesmieny.
Ale źviartaje na siabie ŭvahu dom na Siomkaŭskim zavułku (heta elitny kvartał «Drazdy-2»). Katedž płoščaj 601,8 kvadratnaha mietra zaniaŭ u rejtynhu druhoje miesca. Jaho pabudavaŭ sabie premjer-ministr Siarhiej Rumas.
Siomkaŭski zavułak — pieršaja bierahavaja linija «Drazdoŭ-2», Katedžy budavalisia za niekalki dziasiatkaŭ mietraŭ ad vady.
Heta miesca žycharstva asobaŭ, najbolš blizkich da Alaksandra Łukašenki — tenisny trenier Siarhiej Ciacieryn, były bijatłanist Siarhiej Bułyhin, biznesmien Alaksandr Šakucin. Pamiž imi znachodzicca i katedž tenisistki Viktoryi Azaranki.
Z čynoŭnikaŭ tut pasialilisia były mer Minska Mikałaj Ładućka, eks-staršynia Nacbanka Nadzieja Jermakova (dla jaje heta druhi katedž u Drazdach, papiaredni jana pakinuła dzieciam), hienieralny prakuror Alaksandr Kaniuk.
Aproč doma ŭ Drazdach, Rumas vałodaje katedžam ŭ Kałodziščach.
Siarhiej Rumas
Naradziŭsia ŭ 1969 u Homieli. Skončyŭ Jarasłaŭskaje vyšejšaje vajskovaje finansavaje vučylišča (1990) i Akademiju kiravańnia (1995). Pracavaŭ u Nacbanku, kamiercyjnych bankach Biełarusi. Namieśnik staršyni praŭleńnia «Biełarusbanka» (2002—2005), staršynia praŭleńnia «Biełahraprambanka» (2005—2010), vice-premjer (2010—2012), staršynia praŭleńnia Banka raźvićcia (2012—2018). Premjer-ministr (2018). Žanaty, čaćviora synoŭ.