Prysutnaść amierykanskich vajskoŭcaŭ u Litvie ŭzmocnić napružańnie, vyklikanaje naroščvańniem hrupoŭki NATA va Uschodniaj Jeŭropie, zajaviŭ RT vajenny ahladalnik TASS Viktar Litoŭkin.
«Pahladzim, jak Biełaruś budzie reahavać na toje, što za dziesiać kiłamietraŭ ad jaje miažy znachodziacca amierykanskija tanki i 500 amierykanskich vajskoŭcaŭ, jakija buduć nakiravany na toje, kab ździejśnić kidok na biełaruskuju ziamlu. Biezumoŭna, Minsk lažyć na šlachu vojskaŭ NATA da terytoryi Rasii», — adznačyŭ ekśpiert.
U vieraśni Minabarony Litvy anansavała pierakidku ŭ krainu na paŭhoda kala 500 amierykanskich vajskoŭcaŭ, 30 tankaŭ M1 Abrams, 25 bajavych mašyn piachoty (BMP) M2 Bradley i 70 adzinak inšaj techniki.
Tady ž kiraŭnik MZS Rasii Siarhiej Łaŭroŭ nazvaŭ «niepryjemnym epizodam» admovu Biełarusi raźmiaščać na svajoj terytoryi rasijskuju vajennuju bazu.
