Dziaržaŭtainśpiekcyja razhladaje varyjanty dopusku viełasipiedystaŭ na prajeznuju častku. Pa dziejučych PDR jany abaviazany ruchacca pa vieładarožcy, albo tratuary. Vyjazdžać na prajeznuju častku dazvalajecca tolki ŭ vypadku adsutnaści chodnikaŭ, piša sb.by
«My nie suprać taho, kab paŭnaletnija viełasipiedysty vyjazdžali na prajeznuju častku, — raspavioŭ «SB» načalnik UDAI MUS Dźmitryj Karziuk. — Bolš za toje, u niekatorych haradach my zapuścili piłotnyja prajekty, dazvoliŭšy vyjazdžać na darohu viełasipiedystam, pry hetym padzialiŭšy ich pałasu ruchu i pałasu ruchu aŭtamabilaŭ. I my bačym dobry vynik».
Na dumku kiraŭnika DAI, z kožnym hodam viełaruch u haradach budzie raźvivacca ŭsio bolš aktyŭna: «A kali my zazirniem u viosku, to ŭbačym: rovar tam — asnoŭny vid transpartu. Heta ŭkład žyćcia ludziej i treba zrabić usio mahčymaje, kab viełasipiedyst, jaki jedzie pa darozie, adčuvaŭ siabie biaśpiečna. Samy lepšy varyjant — padzieł pałos, pažadana na roznych uzroŭniach».
