Siońnia studenty EHU ŭ Vilni vyjšli na pratest suprać dziejańniaŭ administracyi. Studenty padrychtavali płakaty i kankretnyja patrabavańni i stajali nasuprać uvachodu ŭ budynak tady, kali administracyja adkryvała novy navučalny hod u samim budynku, paviedamlaje pres-słužba ŭniviersiteta.
«Va ŭmovach padzieńnia jakaści adukacyi my ličym uzmacnieńnie žorstkaści finansavych praviłaŭ dla studentak i studentaŭ nieapraŭdanym, — piša studenckaje pradstaŭnictva. — Rašeńnie ab uzmacnieńni žorstkaści finansavych praviłaŭ kiraŭnictva EHU pryniała ŭ adnabakovym paradku biez udziełu pradstaŭnikoŭ studenctva. Studenckaje samakiravańnie ŭ EHU vyklučanaje z pracesu pryniaćcia važnych rašeńniaŭ».
Studenty patrabujuć:
— skasavać uzmacnieńnie žorstkaści finansavych praviłaŭ dla studentak i studentaŭ;
— viarnuć biespadstaŭna zvolnienych vykładčyc i vykładčykaŭ;
— zrabić kadravuju palityku EHU prazrystaj;
— viarnuć vyrašalny hołas studenckaj i akademičnaj supolnaści va ŭsich orhanach kiravańnia;
— zrabić vybary ŭ Sienat EHU adkrytymi i viarnuć jamu paŭnamoctvy.
U administracyi EHU, u svaju čarhu, zajaŭlali, što niekatoryja patrabavańni nie adpaviadajuć rečaisnaści
