Homielski abłasny vykanaŭčy kamitet nia daŭ dazvołu na praviadzieńnie schodu hramadzkich arhanizacyjaŭ i inicyjatyvaŭ Homielskaj vobłaści.
U miežach padrychtoŭki da Asamblei niaŭradavych arhanizacyjaŭ, jakaja adbudziecca 6–7 sakavika ŭ Miensku, u kožnaj vobłaści ładziacca rehijanalnyja schody, na jakich abmiarkoŭvajecca sytuacyja ŭ trecim sektary rehijonu i rychtujucca prapanovy da ahulnaha schodu.
Jak paviedamiŭ namieśnik staršyni homielskaha haradzkoha adździaleńnia biełaruskaha respublikanskaha abjadnańnia “Pravavaja inicyjatyva” Uładzimier Kacora, schod hramadzkich abjadnańniaŭ i inicyjatyŭ planavałasia pravieści ŭ Domie tvorčaści dziaciej i moładzi “Junactva”. Była dasiahnutaja papiaredniaja vusnaja damova z dyrektaram Domu tvorčaści ab arendzie pamiaškańnia. Dom tvorčaści naležyć upraŭleńniu kultury abłvykankama. Tamu, kab atrymać aficyjny dazvoł na arhanizacyju mierapryjemstva ŭ hetym pamiaškańni, Uładzimier Kacora źviarnuŭsia da namieśnika staršyni abłvykankama pa idealohii Kiryčenki. Praź niekatory čas z Kacoram praz telefon źviazaŭsia dyrektar Doma tvorčaści dziaciej i moładzi “Junactva”, jaki skazaŭ, što nie moža pradastavić pamiaškańnie. Pryčyny admovy jon nie nazvaŭ, spasłaŭšysia na toje, što heta “nie telefonnaja razmova”.
Namieśnik staršyni homielskaha haradzkoha adździaleńnia biełaruskaha respublikanskaha abjadnańnia “Pravavaja inicyjatyva” Uładzimier Kacora zapeŭniŭ, što schod hramadzkich arhanizacyj i inicyjatyŭ Homielskaj vobłaści ŭsio roŭna adbudziecca. “My praviadziem jaho ŭ ofisie arhanizacyi, ale budziem vymušanyja zaprasić mienš ludziej, čym planavałasia na pačatku”, – adznačyŭ arhanizatar.
