Ustanoŭlena asoba zahinułaha, čyje škiletavanyja pareštki byli znojdzienyja ŭ Smalavickim rajonie, piša SK
1 žniŭnia 2019 hoda žychar Minska padčas uborki zakinutaj chaty ŭ vioscy Trubianok Žodzinskaha sielsavieta, jakaja pierajšła ŭ spadčynu jaho žoncy, u padvale vyjaviŭ čałaviečyja pareštki.
Minčuki znajšli škilet u chacie, jakaja dastałasia im u spadčynu
U vyniku pracy ŭstanoŭlena asoba zahinułaha. Pa dadzienych śledstva, pareštki naležać mužčynu biez peŭnaha miesca žycharstva i rehistracyi, jaki źnik bieź viestak u lutym 2008 hoda. Taksama atrymany źviestki, jakija pakazvajuć na kryminalny charaktar śmierci mužčyny.
Śledčymi USK pa Minskaj vobłaści raspačata kryminalnaja sprava pa art.139 (zabojstva) Kryminalnaha kodeksa. Śledčymi vyznačany niekalki viersij taho, što zdaryłasia, rasśledavańnie praciahvajecca.