Praź internet
Z 4 pa 18 kastryčnika možna zajści na sajt pierapisu. Tut treba budzie napisać svoj 14-značny identyfikacyjny numar (ukazvajecca na apošniaj staroncy pašparta). Paśla čaho možna budzie zapaŭniać ankietu — ci pa-biełarusku, ci pa-rusku.
Možna častkova spraścić sabie zadaču. Kali vy choć niekali zapaŭniali ankietu ŭ adnym ź biełaruskich bankaŭ, vašy asnoŭnyja piersanalnyja dadzienyja ŭžo jość u mižbankaŭskaj infarmacyjnaj sistemie. Kali vy ŭkažacie na sajcie pierapisu svoj asnoŭny mabilny numar, niekatoryja źviestki padhruziacca aŭtamatyčna — imia i proźvišča, data naradžeńnia i hetak dalej. Praŭda, heta infarmacyja budzie pa-rusku.
Dalej zastaniecca adkazać na niekalki dziasiatkaŭ pytańniaŭ.
Na stacyjanarnym učastku
Kali vy nie chočacie puskać dachaty pierapisčyka, možna pryjści i pierapisacca samomu. Pa ŭsioj Biełarusi adkryjucca bolš za 600 stacyjanarnych učastkaŭ. Heta škoły, internaty, biblijateki i inšyja ŭstanovy. Ich adrasy i karta tut.
Pierapisacca možna na lubym učastku niezaležna ad miesca žycharstva z 4 pa 30 kastryčnika.
U siabie doma
Tut usio prosta. Da ŭsich, chto nie projdzie pierapis u internecie albo na ŭčastku, z 21 pa 30 kastryčnika dachaty pryjduć vałanciory.
Jany pryjduć dvojčy: spačatku kab damovicca na kankretny čas pierapisu, a paśla ŭžo z ankietami.
