president.gov.by
Biełaruś i Ukraina mohuć razam zmahacca za praviadzieńnie bujnych mižnarodnych spabornictvaŭ. Pra heta Alaksandr Łukašenka zajaviŭ siońnia na pasiadžeńni II Forumu rehijonaŭ Biełarusi i Ukrainy ŭ Žytomiry, pieradaje BIEŁTA.
Kiraŭnik dziaržavy nahadaŭ, što nie tak daŭno Minsk prymaŭ II Jeŭrapiejskija hulni, matčavuju sustreču pa lohkaj atletycy Jeŭropa — ZŠA. U hetych spabornictvach aktyŭny ŭdzieł prymali i ŭkrainskija atlety, pryčym davoli paśpiachova: naprykład, na Jeŭrapiejskich hulniach jany stali trecimi ŭ ahulnakamandnym zaliku.
«Dumaju, našy dziaržavy razam mahli b pazmahacca za prava praviadzieńnia mižnarodnych spartovych spabornictvaŭ vysokaha ŭzroŭniu. Heta ja kažu ab prapanovie prezydenta Ukrainy, jaki prapanuje razam padumać nad tym, a ci nie zamachnucca nam na Alimpijskija hulni. Dla dźviuch krain heta pad siłu», — skazaŭ Alaksandr Łukašenka
