Vystavu minskaha mastaka adcenzuravali. Tady jon najeŭsia vijahry i pryjšoŭ z šyldaj Minkulta na tym samym miescy FOTA
3 kastryčnika ŭ Nacyjanalnym centry sučasnych mastactvaŭ Biełarusi adbyłasia dziorzkaja akcyja. Mastak Alaksiej Kuźmič pryjšoŭ na adkryćcio vystavy całkam hoły, z šyldaj «Ministerstva kultury» na erehavanym pałavym orhanie. Jak vyjaviłasia, heta byŭ jahony pratest suprać cenzury viedamstva.
«Mianie zaprasili na vystaŭku razam ź niekalkimi inšymi mastakami, ale niekatoryja raboty nie dazvolili, niekatoryja daviałosia pieraharnuć, kab jany nie čytalisia tak, jak jość. Na majo pytańnie ab cenzury byŭ adkaz, što vystava kuryrujecca Ministerstvam kultury, i, maŭlaŭ, «hałoŭnaje — kab nie było erehavanych fałasaŭ». — raskazaŭ Kuźmič «Našaj Nivie». — Naturalna, heta mietafara, za jakoj chavajecca łohika dziejańniaŭ dziŭnych mužčyn i žančyn u pinžakach, jakija vyrašajuć, što ludziam možna hladzieć, a što nie. Zdavałasia b, u sučasnym mastactvie musić być svaboda i dazvolenaść, ale nie, aŭtary vymušany pahadžacca na šmatetapnuju cenzuru i sterylizacyju tvorčaści.
Pierad adkryćciom vystavy ja vypiŭ vijahru. Toje, što vy bačycie na fota, heta byŭ taki moj pratest-uspamin ab tym, što «hałoŭnaje, kab nie było erehavanych fałasaŭ». Adznaču, što nichto sapraŭdy ničoha nie ŭbačyŭ — hetamu pieraškodziła šylda «Ministerstva kultury», jakaja schavała ŭsie niazručnyja momanty ad čužych vačej hetak ža, jak heta adbyvajecca ŭ mastactvie. Svaju akcyju ja nazvaŭ «Ščyt, abo Ministerstva kultury».
Pa słovach Kuźmiča, ciapier vyrašajecca pytańnie ab tym, kab źniać jahonyja raboty ŭvohule. Mahčyma, na mastaka składuć pratakoł za chulihanstva.
Svaju akcyju mastak źniaŭ na videa:
Čytajcie taksama:
Dyrektar centra sučasnaha mastactva pra pierformans ź vijahraj: Mnie škada hetaha maładoha nietalenavitaha mastaka
-
Čamu ES pavinien padtrymać biełarusaŭ? Były kiraŭnik źniešniepalityčnaha viedamstva ES i Cichanoŭskaja apublikavali artykuł
-
U Minsku pabudujuć novuju darohu
-
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu
Servisu «Jandeks.Taksi» pahražajuć błakiroŭkaj: na ANT vyjšaŭ razhromny repartaž6
Kamientary