Photograph by Anders Hellberg
Niamiecki deputat Jeŭraparłamienta Jorh Mojten zaklikaŭ Jeŭrapiejskuju kamisiju zaniacca pytańniem finansavańnia ekaaktyvistaŭ u Jeŭropie — jon padazraje, što ŭ arhanizacyi klimatyčnych ruchaŭ moža być zamiašanaja Rasija. Pra heta sa spasyłkaj na zapyt palityka paviedamlaje RT.
Mojten padkreśliŭ, što ŭpłyŭ hetych pratestaŭ na palityku niehatyŭna adbivajecca na raźvićci ekanomiki ŭsioj Jeŭropy — tamu jon i zacikaŭleny ŭ tym, kab vyśvietlić, ci nie źjaŭlajucca jany častkaj hibrydnaj rasijskaj pahrozy.
«Hetyja kampanii (naprykład, «Piatnica dziela budučyni», akcyi Greenpeace, hramadzianskija vyratavalnyja sudny ŭ Mižziemnym mory) prafiesijna arhanizavany i majuć surjoznuju finansavuju padtrymku (…) Ci moža kamisija vyklučać vierahodnaść taho, što hetyja kampanii finansuje i kuryruje Rasija?» - cytuje rasijskaje vydańnie jaho słovy.
