U Rasii adbyŭsia zboj z puskam rakiety padčas vučeńniaŭ jadziernych sił
U Rasii padčas vučeńniaŭ stratehičnych jadziernych sił «Hrom-2019» adbyłasia pazaštatnaja situacyja, paviedamlajuć infarmahienctvy sa spasyłkaj na krynicy, blizkija da Minabarony RF.
Płanavałasia, što atamny padvodny krejsier K-44 «Razań» ažyćciavić dva puski mižkantynientalnaj balistyčnaj rakiety (MBR) R-29R pa palihonie «Čyža». Pieršy pusk ažyćciavili 17 kastryčnika. Druhaja ž R-29R nie vyjšła z šachtavaj puskavoj ustanoŭki.
Pavodle infarmacyi krynicy, pryčynaj mahła być niaspraŭnaść niekatorych sistem padłodki, jakija adkazvajuć za kamandu ab pusku.
Atamny padvodny krejsier K-44 «Razań» — apošni pracoŭny krejsier prajekta 667BDR «Kalmar. Jon uzbrojeny vadkasnymi dvuchstupienievymi rakietami R-29R, jakija mohuć zakinuć try bajavyja błoki pa 200 kiłaton na adlehłaść 6500 kiłamietraŭ.
U vučeńniach «Hrom-2019» zadziejničana kala 12 tysiač vajskoŭcaŭ, a taksama 213 puskavych ustanovak stratehičnaha pryznačeńnia, 105 latalnych aparataŭ, u tym liku piać stratehičnych rakietanoscaŭ, da 15 nadvodnych karabloŭ, piać padvodnych łodak, 310 adzinak bajavoj i śpiecyjalnaj techniki.
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary