BČ pašyraje maršrutnuju sietku ŭzhodnienych pierasadačnych znosin pamiž Varšavaj i Minskam i pamiž Prahaj, Varšavaj, Minskam i Maskvoj. Tak, z 15 śniežnia pryznačanyja novyja štodzionnyja ciahniki №126/125 Varšava — Brest, №726/725 Brest — Minsk, jakija źjaŭlajucca uzhodnienymi i pierasadačnymi ciahnikami, a taksama №136/137 Praha — Varšava — Brest z mahčymaściu pierasadki pasažyraŭ na stancyi Brest-Centralny na ciahnik №96 Brest — Maskva i ź ciahnika №27 Maskva — Brest. U sastavie ciahnikoŭ №136/137 Praha — Varšava — Brest taksama praduhledžana štodzionnaje kursiravańnie bieśpierasadačnych vahonaŭ Maskva — Praha.
Košt prajezdu Minsk — Varšava składaje Br44, na ciahniku Praha — Varšava — Brest — Br134 ( cana moža źmianiacca ŭ zaležnaści ad kursu jeŭra).
Tak, z Varšavy ciahnik №126 Varšava — Brest budzie adpraŭlacca ŭ 12.51 i prybyvać na stancyju Brest-Centralny ŭ 19.10. Ciahnik №726 Brest — Minsk budzie adpraŭlacca sa stancyi Brest-Centralny ŭ 20.00 i prybyvać na stancyju Minsk-Pasažyrski ŭ 23.25.
Ź Minska ciahnik №725 Minsk — Brest budzie adpraŭlacca ŭ 15.59 i prybyvać na stancyju Brest-Centralny ŭ 19.01. Adpraŭlacca ad stancyi Brest-Centralny ciahnik №125 Brest — Varšava budzie ŭ 19.56 i prybyvać na stancyju Varšava-Zachodniaja ŭ 22.29 (pa miascovym časie).
Z Prahi ciahnik №136 Praha — Varšava — Brest budzie adpraŭlacca ŭ 10.23 pad №115 i prybyvać na stancyju Brest-Centralny ŭ 00.37. Z Bresta ciahnik №137 budzie adpraŭlacca ŭ 7.11 i prybyvać na stancyju Praha-Hałoŭnaja ŭ 17.39 pad №114. Ciahnik Praha — Varšava — Brest budzie iści praz stancyi Ostrava-Hałoŭnaja (Čechija), Ciarespal, Varšava-Centralnaja, Katavice (Polšča).