padpisana padčas sustrečy vice‑prem`ieraŭ Biełarusi i Polščy ŭ Minsku.
padpisana padčas sustrečy vice‑prem`ieraŭ Biełarusi i Polščy ŭ Minsku
Pavodle vynikaŭ pieramoŭ vice‑prem`iera Biełarusi Andreja Kabiakova i namieśnika staršyni Savieta ministraŭ, ministra ekanomiki Polščy Valdemara Paŭlaka ŭ Minsku 23 lutaha padpisana piać dakumientaŭ.
Padpisany, u pryvatnaści, miemarandum ab supracoŭnictvie pamiž Biełaruskaj valutnaj fondavaj biržaj i Polskaj fondavaj biržaj; pahadnieńni ab sumiesnych dziejańniach Biełaruskaj handlova‑pramysłovaj pałaty i Polska‑biełaruskaj handlova‑pramysłovaj pałaty pa padtrymcy i realizacyi troch prajektaŭ — «Homiel», «Dobrasusiedstva» i «Aŭhustoŭski kanał»; pahadnieńnie ab supracoŭnictvie pamiž Dziaržaŭnym kamitetam pa standartyzacyi Biełarusi i Polska‑biełaruskaj handlova‑pramysłovaj pałataj.
Jak zajaviŭ paśla sustrečy A.Kabiakoŭ, handlova‑ekanamičnaje supracoŭnictva Biełarusi i Polščy ŭ 2008 hodzie raźvivałasia paśpiachova.
«My dasiahnuli tavaraabarotu pryblizna 3 młrd. dołaraŭ z rostam bolš za 145% — heta dobry vynik. U peŭnaj stupieni tut adyhrała svaju rolu praca ŭradaŭ pa sistemnaj arhanizacyi supracoŭnictva i likvidacyi bar`ieraŭ, što ŭźnikajuć», — skazaŭ A.Kabiakoŭ.
Pavodle jaho słoŭ, čakajecca, što ŭ hetym hodzie pačniecca navihacyjny režym na Aŭhustoŭskim kanale, i biełaruski bok spadziajecca na ŭdzieł polskaha biźniesu ŭ hetym turystyčnym prajekcie.
A.Kabiakoŭ paviedamiŭ, što ŭ červieni ŭ Varšavie projdzie nacyjanalnaja vystava Biełarusi. Jon vykazaŭ nadzieju, što ŭ 2010 hodzie Polšča praviadzie anałahičnuju vystavu ŭ Biełarusi.
U svaju čarhu V.Paŭlak prapanavaŭ pravieści na vystavie ŭ Varšavie biełaruska‑polski dvuchbakovy ekanamičny samit, na arhanizacyi jakoha, pavodle jaho słoŭ, nastojvajuć polskija pradprymalniki.
Polski ministr zaznačyŭ, što biźniesmieny «zacikaŭleny ŭ pryvatyzacyjnych pracesach, jakija iduć u Biełarusi».
V.Paŭlak zadavoleny ŭzroŭniem źniešnieekanamičnaha supracoŭnictva dźviuch krain i spadziajecca, što ŭ dalejšym tempy rostu tavaraabarotu nie źniziacca.
Kamientary