Były kamandzir adnaho z padraździaleńniaŭ SPA tak zvanaj «DNR» Uładzimir Cemach, jaki źjaŭlajecca adnym sa śviedkaŭ pa spravie ab hibieli rejsa MH17 nad Danbasam, raspavioŭ pra dopyt jeŭrapiejskimi śledčymi padčas jaho ŭtrymańnia pad vartaj va Ukrainie, pieradaje RIA Novosti.
Pavodle jaho słoŭ, pieršy dopyt pravodzili supracoŭniki SBU i Hienprakuratury Ukrainy, druhi — pradstaŭniki pravaachoŭnych orhanaŭ Aŭstralii i Niderłandaŭ. Cemach śćviardžaje, što ŭ Hienprakuratury papiaredzili jaho, što jamu tolki pažyćciovaje śviecić, ale šmat što budzie zaležać ad taho, što jon raskaža śledčym ź Jeŭropy.
«Prapanoŭvali prahramu abarony śviedki, prapanoŭvali hramadzianstva, chatku ŭ Hałandyi čamuści. Čamu nie ŭ Aŭstralii — voś heta mianie ździviła. Ja tarhavacca nie staŭ», — skazaŭ Cemach.
