3 listapada ŭ Minsku ad mietro «Park Čaluskincaŭ» pačałosia tradycyjnaje šeście na Dziady — dzień pamiaci prodkaŭ.
Ludzi sabralisia la hadzińnikavaha zavoda la parku Čaluskincaŭ, kab potym pajści pa vulicach Kalinoŭskaha, Karbyšava, Hamarnika i Mirašničenki. U kałonach kala 250 čałaviek.
Padčas šeścia aktyvisty «Jeŭrapiejskaj Biełarusi» zapalili fajery. Inšyja ŭdzielniki pasprabavali adabrać fajery i paprasili nie rabić pravakacyj.
Paśla taho, jak kałona pryjšła ŭ Kurapaty, pačaŭsia mitynh.
Na «Hałhofie» prahučała malitva. Pavieł Sieviaryniec prykruciŭ da adnaho z kryžoŭ tabličku ź imiem rasstralanaha paeta — Vasila Kavala.
Juraś Bieleńki vystupiŭ z pramovaj pra niebiaśpieku intehracyi z Rasijaj.
Mierapryjemstva tradycyjna ładzić Kansiervatyŭna-chryścijanskaja partyja BNF.
Dziady — vosieński dzień pamiaci prodkaŭ. Jamu pryśviečanyja kłasičnyja tvory Adama Mickieviča i Janki Kupały.
U staryja časy Dziady masava ŭšanoŭvali ŭ centry i na zachadzie Biełarusi, tady jak Radaŭnicu — viesnavy dzień pamiaci prodkaŭ — na poŭdni i poŭnačy. Ludzi prynosiać śviečki na mahiły i čyściać pachavańni pierad zimoj.
Z kanca 1980-ch śviatkavańnie Dziadoŭ spałučyłasia z dniami pamiaci achviar savieckich rasstrełaŭ u Kurapatach i inšych miescach masavaha źniščeńnia nasielnictva nacystami i savietami.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)