U hetyja vychadnyja zaviaršyŭsia mižnarodny konkurs pryhažości «Mis Śvietu Plus Size». Biełaruś pakidaje jaho z karonaj vice-mis — tytuł zavajavała biźnies-łedzi z Homiela Natalla Kaleśnikava. Pieršaje miesca padzialili Brazilija i Surynam, piša tut.by.
Top-5 finalistak.
U 2019 za karonu pieramožcy ź biełaruskimi ŭdzielnicami kankuravali dziaŭčyny z Brazilii, Ukrainy, Rasii, Łatvii, Indyi, Niderłandaŭ, Surynama, Bielhii i Sinhapura. Pieršaje miesca padzialili ŭdzielnicy z Brazilii i Surynama.
Našu krainu pradstaŭlali try ŭdzielnicy. Asabista padtrymać dziaŭčat na finale pryjšli supracoŭniki pasolstva Respubliki Biełaruś va Ukrainie. U tym liku — Nadzvyčajny i Paŭnamocny Pasoł Respubliki Biełaruś Ihar Sokał.
Cikava, što taksama ŭ Top Five ŭvajšła jašče adna biełaruska — Kaciaryna Łazdoŭskaja, jakaja pradstaŭlała Łatviju. Dziaŭčyna naradziłasia ŭ Hłybokim. Kali joj było 2 hady, siamja pierajechała ŭ Łatviju. U 2009 hodzie ŭ Biełaruś viarnułasia maci Kaciaryny, ale sama dziaŭčyna zastałasia, pakolki ŭ Łatvii ŭ jaje byli siamja i dzicia. Adnak Biełaruś Kaciaryna naviedvaje časta, pakolki viadzie tut biznes (sietka sałonaŭ pryhažości ŭ Hłybokim) i naviedvaje blizkich.
Nacyjanalny dyrektar konkursu ŭ Biełarusi Jaŭhińnia Ciulenieva i pradstaŭnica Łatvii Kaciaryna Łazdoŭskaja.
Chto pradstaŭlaŭ Biełaruś na konkursie?
Mahčymaść pradstaŭlać Biełaruś Natalla Kaleśnikava, Viktoryja Klaviec i Inha Bulickaja atrymali dziakujučy ŭdziełu ŭ prajekcie «Mis Biełaruś Plus Size». Za heta prava jany kankuravali z 146 dziaŭčynami, jakija padali zajaŭku na ŭdzieł u vieraśni hetaha hoda. Zatym byŭ kastynh, adboračnyja etapy — i ŭ vyniku arhanizatary vyznačyli trojku finalistak:
Vice-mis śvietu plus-size 2019 Natalla Kaleśnikava (Homiel)
Biźniesvumen i suŭłaśnica niekalkich kampanij u roznych śfierach: ad budaŭniča-mantažnych rabot, aptovaha handlu budmateryjałami da mižnarodnaha turyzmu. Za svajo žyćcio adkryła šmat biznesaŭ, a taksama stała ščaślivaj žonkaj i mamaj dvaich dziaciej.
Pajšła na konkurs, kab padać prykład dačce i natchnić jaje nie tolki dziełavymi maminymi pośpiechami, ale i jaje pryhažościu.
Inha Bulickaja (Minsk)
Inha vyrasła ŭ internacie. Ale ciažkaści nie złamali jaje — ciapier jana pracuje hałoŭnym dziaržaŭnym padatkovym inśpiektaram i haduje dvuch synoŭ-spartsmienaŭ. Udzielničaje ŭ prajekcie, kab złamać stereatypy pra žančynu — dziaržaŭnaha słužačaha. A taksama — dakazać, što vysokaja pasada i ofisnaja praca nie zaminajuć być elehantnaj i nasić karonu karalevy pryhažości.
Na konkursie ŭ Kijevie atrymała tytuł «Mis ekstravahantnaść».
Viktoryja Klaviec (Minsk)
Dyzajnier interjeraŭ, jakaja lohka siadaje na špahat i robić batmany. Pracuje trenieram pa stryp-płastycy i razam sa svaim maładym čałaviekam viadzie zdarovy ład žyćcia.
Na «Mis Śvietu Plus Size» atrymała tytuł «Mis tvorčaść», pakolki jaje płastyčny eciud ź miačom byŭ pryznany najlepšym tvorčym numaram na konkursie.
«My prajšli niaprosty, ale cikavy šlach, — kaža Natalla Kaleśnikava, vice-mis śvietu-2019. - Kožnaja z nas starałasia zrabić usio mahčymaje, kab pradstavić našu krainu hodna. I, viadoma, ja nievierahodna ščaślivaja, što tytuł vice-mis členy žury prysudzili mnie. Adnak heta nie tolki maja zasłuha — Nacyjanalny dyrektar konkursu ŭ Biełarusi Jaŭhińnia Ciulenieva prykłała nievierahodnyja namahańni, kab padrychtavać dziaŭčat da ŭdziełu ŭ Kijevie, i sabrała kamandu vydatnych śpiecyjalistaŭ. Pracavać z hetymi ludźmi było vialikim honaram i vielizarnym zadavalnieńniem».
Na «Mis Śvietu Plus Size» členy žury aceńvali nie tolki źniešnaść kankursantak. Pad pilnaj uvahaj byli misii dziaŭčat, jakija jany tranślujuć praz udzieł u konkursie, žyćciovyja kaštoŭnaści, navyki samaprezientacyi i asabistyja historyi.
