Hiendyrektar Uber nazvaŭ zabojstva saudaŭskaha žurnalista «pamyłkaj»
Hienieralny dyrektar Uber Dara Chasraŭšachi nazvaŭ zabojstva saudaŭskaha žurnalista Džamala Chašohi ŭ konsulstvie ŭ Stambule «pamyłkaj» i paraŭnaŭ situacyju sa śmiarotnaj avaryjaj samakiravalnaj mašyny kampanii. Paśla hiendyrektar paprasiŭ prabačeńnia za svaje słovy.
«Ja dumaju, ułady Saudaŭskaj Aravii pryznali, što ździejśnili pamyłku. Heta surjoznaja pamyłka, my taksama rabili pamyłki. My spynili prahramu i adnavilisia paśla toj pamyłki. Heta nie značyć, što pamyłki nielha daravać. Ja dumaju, usio heta ŭsprymajuć zanadta surjozna», — skazaŭ Chasraŭšachi.
Paśla intervju kiraŭnik Uber napisaŭ u Twitter, što jon zrabiŭ niapravilna, kali nazvaŭ zabojstva žurnalista «pamyłkaj».
Saudaŭskaja Aravija źjaŭlajecca piatym pa vieličyni akcyjanieram Uber, a kiraŭnik suvierennaha fondu bahaćcia Saudaŭskaj Aravii ŭvachodzić u radu dyrektaraŭ kampanii.
Ciapier čytajuć
Dźmitryja Łukašenki nie było z baćkam i bratami na adznačeńni 3 Lipienia3
Kamientary