Pikiet kala Minadukacyi / Raman Pratasievič, Jeŭraradyjo.
15 listapada ŭ Minsku nasuprać budynka Ministerstva adukacyi pratestujuć suprać zahonu studentaŭ na daterminovaje hałasavańnie. Ahitacyjny pikiet zładzili aktyvisty «Moładzievaha błoku», u im udzielničajuć kandydaty ŭ deputaty Pałaty pradstaŭnikoŭ. Siarod ich — Ałana Hiebremaryjam (Hrušaŭskaja akruha № 98). Na adnym z płakataŭ źmieščana infarmacyja pra kryminalnuju adkaznaść za prymus da hałasavańnia, na inšym — nadpis «Raźmierkavańnie — heta rabstva XXI stahodździa». Na pikiecie ŭzdymalisia i inšyja važnyja dla moładzi temy. Jaho ŭdzielniki zaklikali Ministerstva adukacyi i asabista ministra Ihara Karpienku «abaraniać pravy studentaŭ, a nie parušać ich». Dla Karpienki na tratuary raskłali dyvan — jaho čakali na pikiecie. Čynoŭniki hladzieli na akcyju z voknaŭ, piša Jeŭraradyjo.
Kala miesca praviadzieńnia akcyi znachodziacca siłaviki ŭ formie i ŭ cyvilnym. Jany zdymajuć udzielnikaŭ pikieta na videa.
Heta treciaja akcyja «Moładzievaha błoku» ŭ stalicy za dzień. Raniej pikiety adbylisia kala ekanamičnaha i linhvistyčnaha ŭniviersitetaŭ.
