Alaksandr Łukašenka daručyŭ u sakaviku zakanadaŭča zamacavać pytańni kampiensacyi žylcam starych damoŭ, jakija znosiacca, na miescy jakich buduć uzvodzicca novyja abjekty.
Takuju zadaču kiraŭnik dziaržavy pastaviŭ siońnia ŭ čas naviedvańnia Minskaj haradskoj ratušy, pieradaje karespandent BIEŁTA.
«U sakaviku ŭsio pavinna być urehulavana zakanadaŭča, biez usialakich biurakratyčnych zatrymak», — skazaŭ Alaksandr Łukašenka.
Razmova idzie ab tym, kab płacić uładalnikam za staroje žyllo i vydzialać učastki pad budaŭnictva novych damoŭ za miežami Minska abo ŭ adpaviednaści ź isnujučymi normami pradastaŭlać kvatery realna pražyvajučym, a nie ŭsim prapisanym u starych damach.
Havoračy ab pierśpiektyvach raźvićcia biełaruskaj stalicy, mer horada Michaił Paŭłaŭ i hałoŭny architektar Viktar Nikicin nazvali hetu prablemu adnoj z važniejšych. U pryvatnaści, pry praviadzieńni kompleksnaj rekanstrukcyi praśpiekta Dziaržynskaha płanujecca źnieści kala 600 pryvatnych žyłych damoŭ.
