Prezident Alimpijskaha kamiteta Rasii (AKR) Stanisłaŭ Paźniakoŭ zajaviŭ, što rasijskija spartsmieny ni pry jakoj umovie nie buduć vystupać na Alimpijadzie ŭ Tokia pad niejtralnym ściaham. Pra heta jon paviedamiŭ u chodzie alimpijskaha schodu ŭ Maskvie, piša RBK
«Nijakaj havorki pra niejtralny ściah być nie moža. Kali ŭvažliva vyvučyć alimpijskuju chartyju, to možna znajści adpaviedny raździeł, jaki dakładna rehłamientuje rečy sa ściaham, himnam i hetak dalej».
U 2018 hodu zbornaja Rasii vystupała na zimovaj Alimpijadzie ŭ Pchiončchanie pad niejtralnym ściaham z-za časovaha adchileńnia AKR. Pa słovach Paźniakova, letam 2020 hoda Tokia situacyja nie moža paŭtarycca.
«U AKR niama nijakich prablem. Rasijskaja kamanda budzie prymać udzieł u Hulniach. U Pchiončchanie vystupali AAR (alimpijskija atlety z Rasii), bo AKR byŭ časova adchileny. Ciapier AKR budzie farmiravać kamandu samastojna», — skazaŭ kiraŭnik alimpijskaha kamiteta.
Na minułym tydni kamitet WADA pa adpaviednaści parekamiendavaŭ vykankamu arhanizacyi pazbavić Rasijskaje antydopinhavaje ahienctva (RUSADA) statusu adpaviednaści. Svajo rašeńnie jon patłumačyŭ manipulacyjami z dadzienymi Maskoŭskaj antydopinhavaj łabaratoryi.
Vykankam WADA atrymaŭ rekamiendacyju adchilić Rasiju ad udziełu ŭ mižnarodnych spabornictvach na nastupnyja čatyry hady. Rašeńnie ab mahčymych sankcyjach budzie pryniata na pasiadžeńni vykankama ahienctva, jakoje projdzie Paryžy ŭ paniadziełak, 9 śniežnia.