Rasijanie publikujuć vyniki hramadskaha apytańnia biełarusaŭ ź dziŭnymi pytańniami
Rasijskaje vydańnie «Kommiersant'» apublikavała vyniki sacyjałahičnaha daśledavańnia, jakoje nibyta pravodziłasia na terytoryi Biełarusi. Arhanizataram paznačany Centr prastoravaha analizu mižnarodnych adnosin IMI MHIMO.
Kab pakazać pradstaŭničaść daśledavańnia, adznačajecca, što było zroblena ažno 7000 zvankoŭ pa biełaruskich numarach. A paśla ŭdakładniajecca, što ŭdałosia zapoŭnić tolki 500 ankiet.
Jakija pytańni zadavali rasijanie i jakija vyniki dekłarujuć? Naprykład, hałoŭnaja vysnova — «90% hramadzian Biełarusi vystupaje za sajuźnickija i partniorskija adnosiny z Rasijaj».
Pytańnie ž było sfarmulavana nastupnym čynam. Na pytańnie, jakija adnosiny z Rasijaj vy ličycie najbolš prymalnymi dla Biełarusi, 57,6% adkazali «sajuźnickija»; 31,8% — «partniorskija»; 10,2% — «niejtralnyja». 0,2% apytanych skazali, što adnosiny dźviuch krain pavinny być «varožymi».
Adnak ciažka ŭjavić, kab choć niejkaja zaŭvažnaja dola biełarusaŭ adkazała b, što adnosiny Biełarusi ź luboj inšaj krainaj musiać być mienavita «varožymi».
Inšaje pytańnie datyčyłasia «metanakiravanaha ŭpłyvu» Rasii na parłamienckija vybary (?!) ŭ Biełarusi.
Amal tracina apytanych uvohule nie zrazumieła, pra što idzie havorka. Ale dźvie tracina ščyra pryznalisia, što nie zaŭvažyli nijakaha ŭpłyvu.
Aproč taho, hučać nastupnyja pytańni:
Jak pytańnie sajuza z Rasijaj mahło paŭpłyvać na vaša staŭleńnie da kandydata na parłamienckich vybarach, na jakoj movie išła ahitacyja, jak časta vy byvajecie ŭ Rasii, adkul atrymlivajecie infarmacyju pra Rasiju.
Praviadzieńnie sacyjałahičnych apytańniaŭ na terytoryi Biełarusi stroha rehłamientujecca zakanadaŭstvam.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary