Viadomy chit «Try čarapachi» atrymaŭ novuju aranžyroŭku i admysłovaje liryk-videa, da jakoha Lavon Volski ŭłasnaruč napisaŭ usie teksty i namalavaŭ ilustracyi.
Aŭtar aranžyroŭki — narviežski saŭndpradziusier Snore Bierhierud, viadomy pa apošnich solnych albomach Volskaha.
«My daŭno hrajem na kancertach hety varyjant «Troch čarapachaŭ» i treba było zafiksavać jaho. Dla liryk-videa spačatku prosta chacieli napisać tekst, a potym źjaviłasia ideja dadać u jaho jašče i malunki. Rabiłasia ŭsio chutka, ale viesieła, i hety nastroj dobra pasuje pieśni», — kamientuje Lavon Volski.
Što z hetaha atrymałasia, možna pasłuchać i ŭbačyć u videa, stvoranym pry padtrymcy partniorskaj prahramy MediaCube Network.
Takuju ž nazvu — «Try čarapachi» — atrymaŭ śviežy mini-albom Lavona Volskaha, u jaki razam z zahałoŭnaj pieśniaj patrapili jašče dva pierazapisanyja razam chity N.R.M. jaho aŭtarstva: «Lohkija-lohkija» i «Pavietrany šar». Reliz dasiažny na ŭsich hałoŭnych ličbavych placoŭkach.
Usie hetyja pieśni i šmatlikija inšyja chity za 35 hadoŭ muzyčnaj karjery Lavona Volskaha prahučać na najbližejšym kancercie užo ŭ hetuju subotu, 30 listapada, u Harodni ŭ kłubie «Hałaktyka». Pačatak a 19-j hadzinie.
Kvitki na sajcie Kvitki.by i ŭ kasach horada.
Stała viadoma pra aryšt byłoha dyrektara «Biełłakta»2
Stała viadoma pra aryšt byłoha dyrektara «Biełłakta»
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3131
Kamientary