Sucelnaje radyjołakacyjnaje pole budzie stvorana vakoł miežaŭ Rasiei, kab zahadzia adsačyć puski kryłatych rakiet, padjom ŭ pavietra bajavoj avijacyi i inšyja aeradynamičnyja celi, piša tass.ru sa spasyłkaj na Minabarony RF.
U novuju sistemu ŭvojduć zaharyzontnyja stancyi typu «Kantejnier», pieršaja ź jakich zastupiła na bajavoje dziažurstva 1 śniežnia ŭ Mardovii. Novaja RŁS zdolnaja adsačyć masavy ŭźlot avijacyi, pusk kryłatych rakiet abo start hipierhukavych aparataŭ za dźvie tysiačy kiłamietraŭ ad zachodnich i paŭdniovych miežaŭ Rasii.
Nastupnaja stancyja padobnaha typu pavinna prykryć arktyčny kirunak.
Praca stancyj «Kantejnier» zasnavanaja na pryjomie radyjosihnału, adbitaha ad ijonaśfiery.
U ciapierašni čas u RF stvorana sucelnaje radyjołakacyjnaje pole sistemy papiaredžańnia ab rakietnym napadzie. U sistemu ŭvachodziać RŁS typu «Varoniež», ich hałoŭnaja zadača — adsačyć puski balistyčnych rakiet pa rasijskaj terytoryi.
