Pra heta ministr unutranych spraŭ Juryj Karajeŭ zajaviŭ u intervju prahramie «Kontury» na ANT, adznačaje BiełTA.
U narkabaraćbie milicyja nacelena na raskryćcio bujnych kanałaŭ pastavak, zatrymańnie arhanizataraŭ.
«Aryjentujem bajcoŭ na toje, kab jany hanialisia nie za drobnymi zbytčykami, a za tymi, chto pastaŭlaje, kab pierakryć hetuju trubu ŭ samym jaje šyrokim miescy», — skazaŭ jon.
Pa słovach ministra, treba dakładna padzialać tych, chto imkniecca ŭzbahacicca, stvaraje narkałabaratoryi, pryvozić narkotyki ŭ krainu, kalečyć žyćci i losy i tych, chto adnojčy spatyknuŭsia.
U 2014 hodzie, kali krainu zachlisnuła chvala sintetyčnych narkotykaŭ, byli pryniatyja kompleksnyja miery. Baraćba, jakaja viałasia na ŭsich napramkach, dała mahčymaść dasiahnuć mety. Zaraz, ličyć Juryj Karajeŭ, važna zrušyć uvahu da prafiłaktyki, asnoŭnyja namahańni nakiravać na baraćbu z pastaŭkaj narkotykaŭ u krainu, rekłamaj, internet-kramami.
