Žychar Buracii (Rasija) pakinuŭ na noč trochhadovaje dzicia na vulicy ŭ 15-hradusny maroz, paviedamlaje TASS.
«Ranicaj 1 śniežnia na abočynie darohi Zajhrajeva — Ułan-Ude, na ŭskrainie sadovaha tavarystva 43-hadovy mužčyna vyjaviŭ trochhadovuju dziaŭčynku. Ustanoŭlena, što svajak dziaŭčynki, znachodziačysia ŭ stanie ałkaholnaha apjanieńnia, zabyŭsia jaje nočču na vulicy. Vyrašajecca pytańnie ab zaviadzieńni kryminalnaj spravy pa art. 125 KK(«Pakidańnie ŭ niebiaśpiecy»)», - paviedamili ŭ rehijanalnym MUS. Mužčynu pahražaje hod pazbaŭleńnia voli.
Dziciaci ź pieraachaładžeńniem bryhada sanitarnaj avijacyi dastaviła Dziciačy respublikanski kliničny špital.
«Dyjahnastavali abmaražeńnie stupniaŭ druhoj stupieni. Pieršuju noč jana praviała ŭ pałacie adździaleńnia reanimacyi i intensiŭnaj terapii, siońnia jaje płanujecca pieravieści ŭ adździaleńnie chirurhii», — paviedamili TASS u pres-słužbie Ministerstva achovy zdaroŭja Buracii.
