Fota Voli Aficeravaj
Padčas nulavoha čytańnia biudžetu ŭ parłamiencie, adkazvajučy na pytańnie Hanny Kanapackaj, jak urad pa daručeńni Łukašenki płanuje pavialičyć VUP da 100 miljardaŭ dalaraŭ, premjer-ministr Siarhiej Rumas prapanavaŭ joj papracavać va ŭradzie. Paśla hetaha Kanapackaja sustrełasia ź Siarhiejem Rumasam, jany abmierkavali ekanamičnyja pytańni, a taksama damovilisia ab dalejšym supracoŭnictvie. Jak akazałasia, premjer jašče raz prapanavaŭ Kanapackaj pracu va ŭradzie, piša Tut.by.
— Ja admoviłasia pracavać va ŭradzie. I heta śviadomaje rašeńnie. U siońniašniaj palityčnaj i ekanamičnaj madeli ja nie zmahu realizavać tyja reformy, jakija nieabchodnyja ŭ krainie i prychilnikam jakich ja źjaŭlajusia. Pry hetym ja zapeŭniła Rumasa, što ŭ majoj asobie ŭrad zaŭsiody moža raźličvać na supracoŭnictva z kanstruktyŭnaj apazicyjaj i dyjałoh z hramadzianskaj supolnaściu, - raspaviała Hanna Kanapackaja.
