Ministr abarony Estonii Jury Łujk zajaviŭ, što patreba ŭ NATA ciapier bolšaja, čym kali-niebudź, bo Rasija znoŭ źjaŭlajecca pahrozaj. Pra heta paviedamlaje partał ERR.
«My pavinny maksimalna zasiarodzicca na ahulnych kaštoŭnaściach i realnaj pahrozie biaśpiecy. My pavinny ščyra skazać, što kali Rasija — heta pahroza, to heta pahroza. Niama sensu chavać praŭdu i sprabavać upryhožyć jaje», — skazaŭ Łujk.
Prezident Francyi Emanuel Makron niadaŭna zajaviŭ, što nieabchodny dalejšy dyjałoh z Rasijaj. Pavodle Łujka, Estonija skieptyčna stavicca da hetaha.
«Ja pracavaŭ pasłom u Rasii, ja ŭjaŭlaju sabie, što taki dyjałoh nie maje dla rasiejcaŭ asablivaj dadatkovaj kaštoŭnaści. Viadoma, rasiejcy chočuć za heta niešta atrymać. Ale my nie možam dać im toje, što chočuć rasijanie», — skazaŭ Jury Łujk, praŭda, nie ŭdakładniajučy, čaho chočuć rasiejcy.
Raniej hienieralny sakratar NATA Jens Stołtenbierh zajaŭlaŭ pra nieabchodnaść dyjałohu z Rasijaj dla palapšeńnia adnosin ź joj.
