Kiraŭnik francuzskaha chołdynhu LVMH Biernar Arno straciŭ 4,8 miljarda dalaraŭ u aŭtorak, 3 śniežnia. Pra heta śviedčać źviestki ličylnika Forbes Real Time, jaki pracuje ŭ režymie realnaha času.
Kapitał samaha bahataha čałavieka Jeŭropy aceńvajecca ŭ 102,9 miljarda dalaraŭ. Jon skaraciŭsia, kali źjaviłasia infarmacyja ab tym, što ZŠA mohuć uvieści myty na tavary z Francyi ŭ adkaz na ŭviadzieńnie ŭ apošniaj padatku na pasłuhi ličbavych kampanij.
Pavodle Forbes, u hety ž dzień akcyi LVMH na biržy Euronext upali i na minimalnaj adznacy kaštavali amal na 2,2 adsotka mienš, čym učora.
Raniej 3 śniežnia stała viadoma, što ZŠA mohuć abkłaści mytami 63 najmieńni francuzskich tavaraŭ na ahulnuju sumu 2,4 miljarda dalaraŭ. Pryčynaj pahrozy staŭ pryniaty ŭ Francyi letam 2019 hoda zakon ab padatku na pasłuhi najbujniejšych ličbavych kampanij.
Ministr ekanomiki i finansaŭ Francyi zajaviŭ, što francuzski ličbavy padatak nie źjaŭlajecca dyskryminacyjnym da amierykanskich kampanij.
