Pierformans zładzili aktyvisty kampanii «Śviežy viecier», paviedamlaje Radyjo Svaboda.
Udzień 5 śniežnia da ambasady Rasii ŭ Minsku dźvie dziaŭčyny ŭ nacyjanalnych strojach, jakim dapamahaŭ chłopiec, prynieśli harbuz, jaki pakłali la bramy.
«Heta stary biełaruski, a taksama ŭkrainski i ŭvohule słavianski zvyčaj: kali žanich nialuby, dziaŭčyna vykatvaje jamu harbuz. Jak znak taki, što niazhodnaja za jaho iści. U našym vypadku heta aznačaje: davajcie siabravać, ale žyć my budziem u roznych damach, kožny ŭ svaim», — skazaŭ žurnalistam aktyvist «Śviežaha vietru» Siarhiej Bulba.
Aktyvist sprabavaŭ pieradać rasijskamu pasłu Dźmitryju Mieziencavu zvarot hramadskaj kampanii «Śviežy viecier». Aŭtary zvarotu papiaredžvajuć ambasadara, što buduć baranić niezaležnaść Biełarusi «ŭsimi dastupnymi zachadami ŭ miežach biełaruskaha zakona». Dakumient u aktyvista nie pryniali.
