Kuchar na $2000 «zdaŭ» vaśmi ludziam kvateru ŭ Salihorsku, prajhraŭ hrošy i zdaŭsia milicyi
32-hadovy kuchar z Salihorska padmanvaŭ patencyjnych arandataraŭ: znachodziŭ u internecie klijentaŭ i braŭ u ich pieradapłatu, ale z abaviazkovaj umovaj — zasialicca ŭ kvateru možna budzie tolki praź miesiac, paviedamlaje milicyja.
Paciarpiełyja vieryli ŭ historyju arendadaŭca pra chutki adjezd za miažu i ŭ mahčymaść źniać žyllo na praciahły termin. Dla bolšaj pierakanaŭčaści padčas ździełki padazravany pieradavaŭ klijentam zahadzia vyrablenyja dublikaty klučoŭ ad kvatery.
Adnak biełarus nie źbiraŭsia jechać za miažu i zdavać nieruchomaść. Paźniej vyśvietliłasia, što jon rodam sa Słucka i sam žyŭ u arendnym žylli.
U vyniku klijenty nie zasialilisia ŭ abiacany termin i zapatrabavali viarnuć hrošy. Addavać doŭh było niama čym, tamu mužčyna źjaviŭsia z pavinnaj u pravaachoŭnyja orhany.
Syščyki znajšli 8 paciarpiełych. Im naniesieny ŭron na ahulnuju sumu zvyš 2 tysiač dalaraŭ. Usie hrošy padazravany zmarnavaŭ u hulniavych kłubach.
Ciapier čytajuć
«Dumajecie, ja hety pašpart doma nie šukała?» Volha Siamaška prakamientavała situacyju z dakumientam prykryćcia svajho muža15
Kamientary