Rasijski telekanał TNT vyrazaŭ žart pra prezidenta Rasii Uładzimira Pucina ź pieršaha epizodu sieryjała «Słuha narodu», dzie hałoŭnuju rolu syhraŭ prezident Ukrainy Uładzimir Zialenski. Žart prybrali ź sieryi, pakazanaj u jeŭrapiejskaj častcy Rasii, a voś žychary Dalokaha Uschodu Rasii ŭbačyli aryhinalnuju viersiju z žartam.
U pieršaj sieryi telešou hieroj Zialenskaha Vasil Hałabarodźka vybiraje hadzińnik. Jaho pamočnik raspaviadaje, što Pucin nosić hadzińnik šviejcarskaj marki Hublot («chubło»). U adkaz Hałabarodźka ździŭlajecca: «Pucin — chubło»?
Nu a paźniej stała viadoma, što TNT bolš nie budzie pakazvać sieryjał «Słuha narodu».
Kanał paviedamiŭ, što pieršapačatkova nie źbiraŭsia pakazvać u efiry bolš za 3 pieršyja sieryi «Słuhi narodu». Całkam pieršy siezon možna budzie ŭbačyć u anłajn-kinateatry Premier. Takim čynam pakaz pieršych sieryj u efiry nazvali «markietynhavym chodam pa pavyšeńni paznavalnaści płatformy».
