U Hrodnie dziaŭčynu nie puścili ŭ kłub, i jana vyrašyła jaho «zaminavać»
U Hrodnie niećviarozuju dziaŭčynu nie puścili ŭ kłub, jana pakryŭdziłasia i vyrašyła «zaminavać» ustanovu, paviedamlaje milicyja.
Incydent adbyŭsia 15 śniežnia ŭ 06.45 ranicy. 25-hadovaja žycharka Hrodna patelefanavała pa telefonie «102» i zajaviła, što ŭ abłasnym centry zaminiravany načny kłub.
Pa nazvanym adrasie vyjechali śpiecsłužby. Z zabaŭlalnaj ustanovy evakuiravali 70 čałaviek.
U chodzie pravierki niebiaśpiečnych pradmietaŭ u budynku kłuba nie vyjavili. Supracoŭniki milicyi stali vyśviatlać, chto paviedamiŭ pra minavańnie. U vyniku dziaŭčynu zatrymali. Toje, što jana znachodzicca ŭ stanie ałkaholnaha apjanieńnia, paćvierdzili ŭ chodzie ahladu.
Kamientary