U kampanii NordPass nazvali samyja pašyranyja paroli ŭ śviecie ŭ 2019-m, jakija adnačasova źjaŭlajucca samymi nienadziejnymi. Śpiecyjalisty praanalizavali 500 młn parolaŭ, jakija stali dastupnymi paśla roznych uciečak i ŭzłomaŭ.
Na pieršym miescy pa papularnaści zastajucca paroli, jakija składajucca z paśladoŭnaha šerahu ličbaŭ (12345) abo prostych ličbavych kambinacyj (11111 abo 123321). Bolš za 800 tysiač čałaviek pa-raniejšamu vykarystoŭvajuć parol, jaki składajecca z paśladoŭnych litar na kłavijatury (qwerty abo asdfgh).
Pašyranyja ŭ śviecie i paroli, asnovaj jakich źjaŭlajucca žanočyja imiony. Najčaściej sustrakajucca Nicole, Jessica i Hannah.
Bolš za 100 tysiač čałaviek u jakaści parolaŭ vybrali prostyja słovy i vyrazy: princess, iloveyou, test.
Padobnaje paŭtarajecca z hodu ŭ hod. Ludzi bajacca zabyć parol, a tamu vybirajuć varyjanty, jakija praściej za ŭsio zapomnić. Časta adnym parolem možna adčynić adrazu niekalki akaŭntaŭ.
