Kašałoty. Fota: Wikimedia Commons
Pra heta raspaviadaje telehram-kanał cybulinka.
Daśledčyca Danijeła Rus z Masačusieckaha technałahičnaha instytuta razam sa svaimi kalehami praanalizavała kala 9 000 razmoŭ kašałotaŭ, jakija byli zapisanyja ŭ pieryjad z 2014 pa 2018 hod. U vyniku vyjaviłasia, što vakalizacyja ŭ hetych kitoŭ davoli składanaja i padobnaja da čałaviečych moŭ.
Raniej mierkavałasia, što kašałoty (Physeter macrocephalus) vykarystoŭvajuć 21 šabłon sihnałaŭ dla roznych situacyj. Ciapier vyśvietliłasia, što bazavych šabłonaŭ tolki 18, ale jany majuć niekalki dadatkovych uzroŭniaŭ składanaści.
Naprykład, u pačatku ci ŭ kancy bazavaha paterna kity časta dadajuć dadatkovy ščaŭčok, kab pakazać surazmoŭcu, što nadyšła jahonaja čarha havaryć. Taksama šabłony časam raściahvalisia z zachavańniem rytmičnaha malunka, i kity farmiravali ź ich roznyja paśladoŭnaści, što vielmi nahadvaje čałaviečuju movu.
Kamandzie daśledčykaŭ udałosia skłaści «fanietyčny ałfavit», u jaki trapili 156 raznastajnych šabłonaŭ, adnak navukoŭcy miarkujuć, što ich moža być značna bolš.
