Pieradkaladny 103-ci numar «Dziejasłova» paraduje čytačoŭ litaraturnymi cikavostkami ŭ roznych žanrach dy rubrykach: tut i tonkaja liryčnaja paezija Ludki Silnovaj, i vostrasiužetnyja tvory Andreja Fiedarenki dy Alesia Byčkoŭskaha, i miedytatyŭna-rozdumnyja staronki z «Pamiatnaj knihi» Leanida Drańko-Majsiuka, i Chroniki biełaruskaha intelektuała Valancina Akudoviča, i padarožnaje ese Franca Siŭko — refleksija pa naviedvańni aŭtaram Jasnaje Palany, i hustoŭnyja pierakłady Vienijamina Błažennaha, vykananyja Nastaj Kudasavaj, i novyja vieršy Leanida Hałuboviča…
Numar maje vyrazny polski akcent — jak z łakalnaha hledzišča, hetak i z hledzišča moŭnaha. Tak, u rubrycy «Pierakłady» drukujecca navieła biełaruskaj polskamoŭnaj piśmieńnicy Elizy Ažeški (pierakład Anatola Buteviča), a taksama — apaviadańnie letašniaj nabielantki Volhi Takarčuk (pierakład Maryny Šoda). Taksama ŭ numary — frahmient ramana «Podych Temry» biełastockaha litaratara Viktara Stachviuka, napisanaha zachodnie-paleskaj havorkaju, ci «padlašskaj mikramovaj», ci, jak kažuć na Biełastoččynie, — «po svojomu». Dyrektar bielskaha biełaruskamoŭnaha liceja Andrej Ściepaniuk prezientuje paetyčnuju nizku. Paetka i pierakładčyca Natalla Rusieckaja, što žyvie ŭ Lublinie, taksama dzielicca svaimi novymi vieršami.
Jak zaŭsiody «Dziejasłoŭ» adkryvaje novyja imiony ŭ litaratury. Hetym razam takoje imia —paetka, navučenka Škoły maładoha litaratara pry Sajuzie biełaruskich piśmieńnikaŭ Maryna Jurčyk.
I heta — nie poŭny pieralik usiaho, čym paraduje čytačoŭ 103-ci «Dziejasłoŭ»!
PAEZIJA
Ludka Silnova. Vyjści vonki. Vieršy.
Leanid Hałubovič. Znaki žyćcia. Krok nasustrač prazrystym maram. Vieršy.
Natalla Rusieckaja. Pamiž nami byłymi. Vieršy.
Andrej Ściepaniuk. Zamała mianie ŭ tabie… Vieršy.
PROZA
Andrej Fiedarenka. Žeton na mietro. Raman. (Zakančeńnie.)
Leanid Drańko-Majsiuk. Staronki z «Pamiatnaj knižki».
Uładzimir Lipski. Cialec. Uryvak z ramana.
Viktar Stachviuk. Podych Temry. Uryvak z ramana.
Aleś Byčkoŭski. Firma. Amal kryminalnaje čytvo.
DEBIUT
Maryna Jurčyk. Słuchańnie cieła. Vieršy.
PIERAKŁADY
Eliza Ažeška. Boh viedaje chto. Pradmova i pierakład Anatola Buteviča.
Vienijamin Błaženny. «I viečny tolki šlach, i viečny tolki pošuk…»
Pradmova i pierakład Nasty Kudasavaj.
Volha Takarčuk. Zialonyja Dzieci, abo Apisańnie zahadkavych zdareńniaŭ na Vałyni, miedykam Jaho Karaleŭskaj Mości Jana Kazimira, Uiljamam Devisanam, uparadkavanaje. Pierakład Maryny Šoda.
ZHADKI
Valancin Akudovič. Biełaruski kalehijum. Z novaj knihi «Treba ŭjavić Sizifa ščaślivym. (Chroniki biełaruskaha intelektuała)». (Praciah).
ESE
Franc Siŭko. Try viarsty.
ZAPISY
Michał Tałočka. Kali poŭnia stanovicca kniažyčam.
KNIHAPIS
Leanid Hałubovič. «Prakrustava łoža sanieta». Recenzija na knihu Hieorhija Lichtaroviča «Saniety».
Šukajcie niezaležny litaraturna-mastacki časopis «Dziejasłoŭ» u mienskich kniharniach:
«Akademkniha» (pr. Niezaležnaści, 72)
«Lohvinau» (vuł. Karala, 22)
«Halijafy» (vuł. Niamiha, 3)
«Knižnaja šafa» (pr. Dziaržynskaha, 9),
a taksama — u internet-kramie knihi.by.
Padpisny indeks na «Biełpošcie»: 74813
Čytajcie «Dziejasłoŭ» u Internecie: www.dziejaslou.by
