Prezident Rasii Uładzimir Pucin prapanavaŭ padčas pres-kanfierencyi, kab pytańnie zadała dziaŭčyna z płakacikam «Minsk, Biełoruśsija». Płakacika ŭ kadry nie było, cytata sa słoŭ Pucina (jość u zapisie tranślacyi).
Na hety momant źviarnuŭ uvahu žurnalist Sierž Charytonaŭ.
Pytańnie ad dziaŭčyny z płakatam:
«Niezakonnyja dziejańni Harbačova ŭ 1991 hodzie pryviali da miljonaŭ paciarpiełych ludziej. A što kali dać pravavuju acenku padziejam 1991 hoda? Takim čynam budzie praściej vyrašacca pytańnie terytaryjalnaj cełasnaści — u tym liku, i ź Biełaruśsiu».
Čytajcie praciah: «Biełaruś — takaja ž ajčyna, jak Rasija i Kijeŭ». Psieŭdabiełaruskaja žurnalistka, jakaja zadavała pytańnie Pucinu, adkazała «NN»
Dziaŭčyna pradstaviłasia Maryjaj Nahibinaj z telekanała «Ministerstva idej».
Pucin adkazaŭ, što nie razumieje, jakija pretenzii da Harbačova i padziej 1991 hoda— maŭlaŭ, usie pytańni daŭno vyrašanyja.
Druhoje pytańnie dziaŭčyny tyčyłasia ideałohii Rasijskaj Fiederacyi. Pucin adkazaŭ, što dla jaho siońnia hałoŭnaja ideałohija adna — patryjatyzm.
Dziŭnyja pytańni. A pryčym tut Biełaruś? Ni pry čym.
Nasamreč i telekanała takoha ŭ Biełarusi niama, i dziaŭčyna — rasijanka.
Nahibina maje pramoje dačynieńnie da tak zvanaha «Narodno-osvoboditielnoho dvižienija» (NOD). Heta fryk-supołka «antymajdanaŭcaŭ», paviernutych na idejach «ruskaha śvietu», jakija nastolki dalokija ad realnaści ŭ svaich fantazijach, što ich hrebuje vykarystoŭvać navat dziaržprapahanda.
A telekanał «Ministerstva idej» pracuje ŭ Jekaciarynburhu.
Zatoje tablička «Minsk, Biełoruśsija» spracavała — Pucin źviarnuŭ uvahu na «žurnalistku».
