Što samaje ciažkaje dla prezidenta Biełarusi ŭ znosinach z chłopčykam z 21-ha stahodździa? Takoje pytańnie zadaŭ rasijski žurnalist Alaksiej Vieniadziktaŭ Alaksandru Łukašenku nakont małodšaha syna — 15-hadovaha Mikałaja, piša Tut.by
— Tak, jon inšy, ale mnie pašancavała, bo jon z dvuch hadoŭ na kalenie ŭ taty i hetak dalej, pa ŭsim śviecie. Jon vielmi adukavany. Jon vielmi darosły.
— Tata, što samaje ciažkaje, a nie samaje lohkaje? — pierabiŭ Vieniadziktaŭ.
— Dyk voś heta voś i jość samaje ciažkaje — što heta darosły čałaviek u pierachodnym uzroście, z usimi niedachopami, kali ŭsio adprečvajecca, admaŭlajecca, usio krytykujecca. Heta hałoŭny moj apazicyjanier, kab ty viedaŭ. Lubuju maju zajavu jon zaraz …
Zvyčajna, kali pierad škołaj my hladzim naviny, jon pahladzieŭ i krytykuje pres-sakratara adrazu: «Dy što jana pakazvaje pra ciabie tam?»
Voś heta samaje składanaje ŭ znosinach. Ale mnie ź im praściej, što jon uvabraŭ u siabie ŭsiu maju pracu z dvuch hadoŭ. I jak by jon tam vonkava nie zmahaŭsia suprać mianie, vystupaŭ, nie krytykavaŭ. Jon usio-taki mianie razumieje. Bo jon usio heta bačyŭ. I kali vy pačynajecie kazać: «Kola — prezydent», heta samy čałaviek, jaki nie prymaje hetaha.
Łukašenka skazaŭ, što nie chacieŭ by takoha ž losu dla syna, jak u jaho.
— Prezident 90-ch i prezident ciapierašni — dźvie vialikija roźnicy. Navat starejšy adyšoŭ zaraz ad dziaržaŭnaj słužby. Ja jaho prytrymvaju pakul, jak kanał znosin sa śpiecsłužbami.
— Kola z padletkami, Viktar sa śpiecsłužbami — vy karystajeciesia svaimi dziećmi dla pracy, — skazaŭ žurnalist.
— Heta nie mnie vyhadna, heta vam vyhadna. Bo vy praź Viciu, jaki pieramaŭlajecca, i Dzima moj, i navat Mikałaj, ja atrymlivaju ad ich vielizarny masiŭ infarmacyi. I časam jany takija pytańni prynosiać mnie, što ty nikoli b nie dahrukaŭsia da prezidenta. Viktar pieršapačatkova byŭ pamočnikam u mianie, kab zachavać hety kanał ad siłavikoŭ, pryčym nie ad usich siłavikoŭ — śpiecpadraździaleńniaŭ, u nas piać mahutnych — «Ałmaz», ASAM, SACHR i hetak dalej.
— A Kola ŭsio-taki jak vam prynosić infarmacyju, jak heta pracuje?, — pacikaviŭsia Vieniadziktaŭ.
— Dla mianie važna jak jon hetuju infarmacyju atrymlivaje, pieravarvaje i prynosić. Jon novy čałaviek, jon zusim inšy čałaviek. I mnie važna razumieńnie moładzi hetaj, choć niahledziačy na toje, što jamu 15 hadoŭ, jon pa-darosłamu heta pieravarvaje. Tamu što vopyt u jaho vialiki.
Jon mnie pierakładaje, kali my ź inšymi prezidentami hutarym. Jaho viedajuć — u Kitai jon «Maleńki prync».
Si Czińpiń, a asabliva jaho žonka, dušy ŭ im nie čujuć. Jon siabar Uładzimira Uładzimiraviča [Pucina]. Jon nie moj siabar … jon mnie časta kaža: «Voś bačyš, jak prezident pavinien pastupać? Voś pahladzi, jak Uładzimir Uładzimiravič … »
Alaksandr Łukašenka pryvioŭ u prykład sustreču ŭ Sočy, kali pry hulni ŭ chakiej, Mikałaj Łukašenka admoviŭsia hulać u piaciorcy biełaruskaha prezidenta, i vykazaŭ žadańnie hulać u piaciorcy Pucina.
Kiraŭnik dziaržavy taksama raspavioŭ, što niadaŭna Mikałaj Łukašenka pieramoh u Alimpijadzie pa chimii.
— U nas nichto nie skaža, što heta tamu, što dzieci prezidenta. Jany ŭ mianie nastolki akuratnyja i aściarožnyja, što heta majo ščaście - što maje dzieci nie chodziać, rastapyryŭšy palcy. Ja za hetym saču žalezna, — adznačyŭ Łukašenka.
— Ja ščaślivy baćka, — reziumavaŭ kiraŭnik dziaržavy.
