Były hałoŭny trenier BATE Alaksiej Baha ŭ intervju youtube-kanału MelkazeRaw etałonna bajaźliva raspavioŭ, jak stavicca da intehracyi Biełarusi i Rasii.
— Jak stavišsia da mitynhaŭ? Naviedvaješ?
— Dy nie, viadoma, ni ŭ jakim razie. Bačyŭ spasyłki, naviny, što adbyvajecca. Naturalna, nie naviedvaju. I nie ŭnikaju ŭ toje, što adbyvajecca, starajusia trymacca dalej ad niejkich masavych stoŭpatvareńniaŭ, jak fizična, tak i hałavoj, nie leźci ŭ niejkija nietry, chto za kaho, i hetak dalej. Plus chapaje kłopataŭ doma, u mianie troje dziaciej, žonka, svoj mitynh kožny dzień doma, tamu doma viesialej mnie.
— Što dumaješ pra intehracyju z Rasiejaj? Cikava tvajo mierkavańnie jak biełarusa.
— Što b ja ni skazaŭ, majo mierkavańnie naŭrad ci na niešta paŭpłyvaje. Cikava za ŭsim hetym sačyć, ale kab adkazvać na takoje pytańnie, treba ŭ niejkaj miery vałodać situacyjaj hłybiej, mieć bolš punktaŭ sudakranańnia. Ja da hetaha nieabyjakavy, ale i nie vykažu niejkaje «tak» ci «nie». Paŭtarusia, napeŭna, moj adkaz ni na što nie paŭpłyvaje.
— Nu, davaj na ŭzroŭni čajnikaŭ. Voś 31 studzienia albo ŭ jaki-niebudź inšy dzień Biełaruś stanovicca ruskaj hubierniaj. Jak ty da hetaha pastavišsia?
— Ciažka adkazać na pytańnie. Pa-pieršaje, kali hetaja pstryčka adbudziecca i što heta za saboj paciahnie? Jak pastavicca da hetaha, ciažka adkazać. Choć heta ŭsio pobač kružycca, ale pytańnie zaśpieła źnianacku mianie. Nie mahu skazać.
— Ty ž byŭ kapitanam maładziožki. Ty jak da hetaha staviŭsia? Jak da funkcyi? Ci ciabie heta niejak kranała: himn, hierb…
— Viadoma. Heta było supier. I pa vyniku — hety vychad na Jeŭropu. I kožnaja hulnia ŭ adbory. Pacany źjazdžajucca z usioj Biełarusi, z roznych haradoŭ. I majka, i samo znachodžańnie ŭ zbornaj — heta było supier. Heta było pačućciova. I kubak, i hierb, i himn — ty ŭsio roŭna ŭjaŭlaješ ŭsiu krainu. Maładziožka ž ličyłasia druhoj kamandaj krainy, paśla nacyjanalnaj. Heta było nie toje, što ciabie vyrvali na dva tydni i tabie prosta treba pabyć u Stajkach. Heta była sapraŭdy padzieja.
— Ale ciapier mohuć zdarycca padziei, jakija tearetyčna mohuć zabrać u ciabie i hetuju majku, i hetyja ŭspaminy…
— Nu voś tamu ja chutčej viarnusia da taho, što lepš pacanam praciahvać hulać pad himnam, u hetaj majcy za Biełaruś.