Naprykancy 2019 hoda da 21-hadovaha zamiežnaha studenta źviarnuŭsia jaho suajčyńnik, susied pa internacie, z prośbaj dapamahčy nabyć kvateru ŭ Minsku. Jon nie moh heta zrabić samastojna, bo nie viedaŭ movy. Chłopiec pahadziŭsia dapamahčy. Napiaredadni Novaha hoda, atrymaŭšy ŭ banku hrašovy pieravod, paciarpieły pakłaŭ u bardačok aŭtamabila znajomaha bolš za $74 tysiačy, paviedamili ŭ SK.
Dalej student paprasiŭ znajomaha vyjści z aŭtamabila (kab pieranieści niekatoryja rečy ŭ bahažnik), a sam razam z hrašyma źjechaŭ. Nieŭzabavie jon byŭ zatrymany supracoŭnikami milicyi.
Milicyja znajšła i kanfiskavała ŭsie skradzienyja hrošy, bolšaja častka jakich ($70 tysiač) znojdzienyja ŭ tajniku ŭ lesapałasie ŭ miežach Minska.
21-hadovaha studenta abvinavačvajuć pa č.4 art.206 KK (rabavańnie, učynienaje ŭ asabliva bujnym pamiery).
Jon pad vartaj. Nakładzieny aryšt na jaho majomaść.
