Fota Nadziei Bužan.
U Minsku prajezd u haradskim transparcie padaražeŭ na 5 kapiejek z 26 śniežnia. A tałony z ukazańniem staroj cany praciahvajuć pradavać «Minsktrans» i kiroŭcy. U pasažyraŭ uźnikajuć pytańni, piša ahienctva «Minsk-Naviny».
Ciapier tałon na aŭtobus/tralejbus/tramvaj i žeton u mietro kaštuje 65 kapiejek (kiroŭcy pradajuć tałon daražej na 5 kapiejek — za 70 kapiejek), bilet dla ekspres-aŭtobusaŭ — 80 kapiejek.
Što rabić, kali zastalisia staryja tałony?
Karystacca. Na sajcie «Minsktransa» u raździele «častyja pytańni» skazana: staryja bilety sapraŭdnyja jašče 30 sutak z dnia pavyšeńnia taryfaŭ na prajezd. Značyć, tałončyki buduć dziejničać da 24 studzienia 2020 hoda.
Abmienu naležać
Paśla 24 studzienia 2020 hoda kijoskach i kasach «Minsktransa» možna abmianiać tałony, nabytyja pa starych koštach, na novyja. Voś tolki roźnicu pryjdziecca dapłacić.
Tałony, nabytyja ŭ kiroŭcaŭ, buduć sapraŭdnymi
Tałony, nabytyja ŭ kiroŭcaŭ pa starych taryfach (jany daražejšyja na 5 kapiejek), raŭnacennyja ciapierašnim. Jany sapraŭdnyja pry apłacie prajezdu ŭ tym transparcie, dzie košt prajezdu adpaviadaje paznačannaj na ich canie.